யோ வொய்ஸ்

சென்ற வாரம் நான் எழுதிய (கிறுக்கிய) காதலர்களின் காதலர் தின கொண்டாட்டங்கள் பற்றிய “டணால்” அறிக்கையின் தொடர்ச்சி......


பதிவர் லோஷன்
இந்த வருட காதலர் தினத்தை பல காதலிகளோடு கொண்டாடிய பிரபல மூத்த பதிவர் லோஷன் அவர்கள் இரவு வீடு செல்ல நேரமாகியது, நேரம் சென்று வீட்டுக்கு வந்த லோஷனை அண்ணி “ஏன் லேட்?” என கேட்க , அதற்கு வெற்றி எப்.எம் இரண்டாவது வருட புர்த்தி கொண்டாட்டங்களில் நேரம் போய்விட்டதாக பொய் சொல்லி சமாளித்தாகவும் பட்சி கூறுகிறது.


கடந்த முறை 3 காதலிகளுடன் காதலர் தினத்தை கொண்டாடிய லோஷன் இம்முறை 5 காதலிகளுடன் காதலர் தினத்தை கொண்டாடியதாகவும் பட்சி சொல்லியது


பதிவர் புல்லட்
காதலர் தினத்தில் காதலி கிடைக்காத சோகத்தில் மனுஷன் கோவா படத்தை பார்த்து விட்டு நண்பரொருவருடன் முழு நாளும் கோல்பேசில் நேரத்தை போக்கியதாக தகவல். கலகல பார்ட்டியான மனுஷன் காதலி கிடைக்காத சோகத்தில் இப்போவெல்லாம் சீரியஸ் பதிவிடுவது அனைவரும் அறிந்ததே. 


மனுஷன் கோவா படம் பார்த்ததும், முன் வீட்டு நாணிப்பாட்டி புல்லட்டை காதலர்தினத்தன்று தேடியதும், நண்பரோடு பொழுதை போக்கியதும் ஒன்றுடனொன்று தொடர்பில்லாத விடயங்கள் என பட்சி கூறுகிறது.


பதிவர் வரோ
நட்சத்திர கலை விழா பதிவை சிறப்பாக எழுதி பதிவிட்டு தூங்கிய மனுஷன் காதலர் தினத்தன்று முழித்து பார்க்கும் போது கட்டிலை சுற்றி பல இளம் பெண்கள் இவருக்காக காதலர் தின அட்டைகளை நீட்டி கொண்டிருந்ததை கண்ட வரோ சந்தோஷம் தாளாமல் ஒரு பெண்ணை தெரிவு செய்து இவளை நாம் காதலியாக்கி கொள்ளுவோம் என நினைத்து அவளது காதலர் தின அட்டையை வாங்க கை நீட்டினார்.படார் என சத்தம் 


என்னவென்று பார்த்தால் இவ்வளவு நேரமும் கனவு கண்ட மனுஷன் காதலியை நோக்கி கை நீட்ட எத்தனித்ததில் கட்டிலில் தூங்கியவர் கீழே விழுந்து கால் சுளுக்கி கொண்டதாக தகவல்கள் தெரிவிக்கின்றன.


பதிவர் பங்குச்சந்தை அச்சு


பங்குசந்தை பற்றி எழுதும் பதிவர் காதலி தேடி இலங்கைக்கும் மலேசியாவுக்கும் பறந்து பறந்து ஒருவாறு காதலி ஒருத்தியை தேடி கண்டுபிடித்து இருவரும் தாறுமாறாக காதலிக்க தொடங்கினர். பெரிய வியாபாரியான அப்பெண்ணுக்கும் நம்ம பதிவருக்கும் இடையில் ஏதொ ஒரு நிறுவன பங்குகளை வாங்குவதில் ஏற்பட்ட முறுகலில் கடந்த ஒரு வாரமாக இருவருக்கிடையிலான பேச்சுக்கள் ரத்து.  காதலியுடன் மௌன மொழியில் கதைத்து காதலர் தினத்தை கொண்டாடிய நம்ம பதிவர் இப்போதெல்லாம் வாயில் முணு முணுக்கும் பாட்டு வரி


“நீ காதலிக்கும் பொண்ணு காதலிக்கும் பொண்ணு காதலிக்கலேன்னா கவலைப்படாதே கண்ணா கவலைப்படாதே”


இப்பாடலை இவர் கன்கொனுக்கு ஆதரவாக பாடுவதாக கன்கொன் கோபி நினைத்திருக்கிறார். உண்மையில் இது அவரே அவருக்காக பாடும் பாடலாகும்.


பதிவர் ஆதிரை
படம் காட்டும் பதிவரான (பதிவுலகில் சொல்கிறேன்) இவர் காதலர் தின கொண்டாட்டத்தை வேலைத்தளத்தில் காதலிகளுடன் விமர்சையாக கொண்டாடி விட்டு கிடைத்த பரிசுப் பொருட்களை யாருக்கும் காட்டாமல் ஒளித்து வைத்துள்ளதாகவும் அந்த பரிசு பொருட்களை கொண்டு செல்ல “கன்டெயினர் ” ஒன்றை தேடுவதாகவும் தகவல்கள் கசிந்துள்ளன.


பதிவர் கௌபோய் மது
மஜா பதிவர் என்றழைக்கப்படும் பதிவர் மது காதலர் தினத்தன்று மிஸ்ஸிங் இவரை பற்றி தகவல் சேகரிக்க சென்ற எமது குழுவும் மிஸ்ஸிங். 


யாராவது இவங்களை கண்டால் பின்னூட்டத்தில் சொல்லிட்டு போங்க




இப்பதிவு சிரிப்பதற்கு மாத்திரமே என்பதை கூறிக்கொண்டு, இந்த மொக்கை பதிவின் இரண்டாம் பாகத்தை எழுத சொல்லி டிவிட்டிய அனுதினனுக்கு நன்றி சொல்கிறேன். இவரை பற்றி அதிகம் தெரியாததால் இவரது கொண்டாட்டம் பற்றி எழுத முடியவில்லை, அனுதினனை பற்றி நன்றாக தெரிந்த யாராவது பின்னூட்டத்தில் இவரது காதலர் தின கொண்டாட்டத்தை பற்றி எழுதவும்

காதலர் தின கொண்டாட்டங்கள் உலகம் முழுவதும் களை கட்ட தொடங்கியிருக்கின்றன. இலங்கையிலுள்ள நம் பதிவர்கள் இந்நிகழ்வுக்கு எப்படி தயாராகியிருக்கின்றனர் என்பது பற்றிய டணால் அறிக்கை (பகீர் அறிக்கை என பத்திரிக்கையில் வருவதால் இது டணால் அறிக்கை). தன் உயிர் பற்றி கூட சிந்திக்காது வேவு பார்த்து இக்கட்டுரையை எழுதுவது யோ 007....

எதையும் பொசிடிவாக செய்தால் வெற்றி நிச்சயம் என்பதற்கு ஒரு உதாரண கதை. எனக்கு வந்த மின் மடல். தமிழ் படுத்தியிருக்கிறேன்.


முதலில்


தந்தை : நான் தெரிவு செய்யும் பெண்ணைதான் நீ திருமணம் செய்ய வேண்டும்.
மகன் : அதெல்லாம் முடியாது எனது மனைவியை நானே தெரிவு செய்வேன்.
தந்தை : சரி, ஆனால் நான் உனக்கு பார்த்திருக்கும் பெண் பில் கேட்சின் மகளடா
மகன் : அப்படியானால் சரி அப்பா


அடுத்து


தந்தை : உங்களது மகளுக்கு சிறந்த கணவன் எனது மகனே.
பில் கேட்ஸ் : ஆனால் எனது மகள் இன்னும் திருமண வயதை அடையவில்லை. மிகவும் சின்ன பெண்
தந்தை : ஆனால் என் மகன் உலக வங்கியின் உப தலைவர் பதவியிலிருக்கிறான்.
பில்கேட்ஸ் : அப்படியானால் சரி அவர்களை கட்டி வைப்போம்.


இறுதியில்


தந்தை : எனது மகனை உங்களது உலக வங்கியில் உப தலைவராக மும் மொழிகிறேன்.
 உலக வங்கி தலைவர் : ஆனால் ஏற்கனவே எங்களுக்கு தேவையான அளவுக்கு உப தலைவர்கள் இருக்கிறார்களே..
தந்தை : ஆனால் நான் சொல்லுபவன், பில் கேட்ஸின் மருமகன்.
உலக வங்கி தலைவர் : அப்படியானால் சரி அவரை உப தலைவராக ஆக்குகிறேன்.


இதிலிருந்து தெரியவருவது என்னவென்றால் என்னிடம் எதுவுமில்லை என எண்ணாமல் முயற்சி செய்தால் எதையும் சாதிக்கலாம்.

எமது பதிவர்களில் பலர் பச்சிளம் பாலகர்களாக இருப்பதால் (முக்கியமாக வந்தியத்தேவன்) அவர்களது பாதுகாப்பு அச்சுறுத்தலாக இருப்பதாக அறிந்து கொண்டன் பயனாக அவர்களுக்கென்று ஒரு சங்கம் இருப்பது கட்டாயமாக்கப்பட்டுள்ளது. இதன் காரணமாக அகில உலக பச்சிளம் பாலகர் சங்கம் நேற்று தனது சங்கத்தை பதிவு செய்து கொண்டது. அடுத்த கட்டமாக இன்று அதன் நிர்வாக குழு உறுப்பினர்கள் தெரிவு செய்யப்படவுள்ளது. நிர்வாக குழுவுக்கு விண்ணப்பிப்பவர்கள் (மூத்த பதிவர் வந்தி உட்பட) இங்கு கீழே தரப்பட்டுள்ள விண்ணப்பப்படிவதை நிரப்பி பின்னூட்டமிடுமாறு கேட்டு கொள்ளப்படுகின்றார்கள்.

இவ்வாறு தேர்ந்தெடுக்கப்படும் பதவிகள் தலைவர், செயலாளர், கொ.ப.செ, உப தலைவர், நிர்வாக குழு உறுப்பினர்கள். (பொருளாளர் பதவி எனக்கு ஏக மனதாக வழங்கப்பட்டுவிட்டது என்பதை தாழ்மையுடன் தெரிவித்து கொள்கிறேன்.)

இலங்கையின் பிரபல பதிவர் ஆதிரை அவர்களுக்கு எலியினால் பல தொல்லைகள் ஏற்பட்டுள்ளன என பதிவுலக சக்கரவர்த்தி லோஷன் அவர்கள் கூறியுள்ள கருத்துக்கள் இலங்கை பதிவுலகில் பல அதிர்வலைகளை தோற்றுவித்துள்ளன.

ஞாயிற்றுக்கிழமை அகில உலக சகலகலா பதிவர் வந்தியின் தலைமையில் இலங்கை பதிவர்கள் ஒன்று கூடி ஆதிரையின் எலிப்பிரச்சினையை தீர்க்க எந்த வகையில் பதிவர்கள் உதவலாம் என ஆராய்ந்ததன் பின்னர் எடுக்கப்பட்ட முடிவுகனை நான் பதிவிடுகிறேன். இந்த முறைகளில் ஏதாவது ஒரு முறையை பின்பற்றி ஆதிரை அவர்கள் பதிவுலகிற்கு மீண்டு வர பிரார்த்திக்கிறோம்.

* முதலாவது முடிவு விஜய் ரசிகர் பதிவர் சதீஷ் முன்வைத்த யோசனை “ஆடுங்கடா என்ன சுத்தி” என்ற பாடலை சத்தமாக போட்டு ஆடவும் அப்ப அந்த இசைக்கு எலியும் அவரோடு ஆடும். அப்போது விஜய் பிரபு தேவாவை அழைப்பது போல் ”வாங்கண்ணா” என அழைத்து எலி கிட்ட வரும் போது அதை கொல்லலாம்.

* அனானிகளால் தாக்கப்பட்டு மீண்ட பதிவர் சந்ரு தெரிவித்த யோசனை ஆதிரை அவரது அறையை யாராவது ஒரு அனானிக்கு அல்லது அவரது எதிரி ஒருத்தருக்கு குறுகிய கால வாடகைக்கு விடலாம். பின்னர் வாடகையிருப்பாளரை எலி தாக்கி ஓய்ந்த பின் அறையை மீள பெற்றுக் கொள்ளலாம். இந்த யோசனை பயன் தந்தால் ஆதிரை அறையை விற்பதும் ஒரு சிறந்த வழி என மேலும் தெரிவித்த சந்ரு அறையை இலவசாக விற்கதாக இருந்தால் எலியோடு வாழ தான் தயார் என்பதையும் தெரிவித்தார்.

* சங்க தலைவரும் தீவிர கமல் ரசிகருமான வந்தி அவர்கள் தெரிவித்த கருத்து என்னவென்றால் அமெரிக்காவில் பிரபல மேக்கப் மேன் ஒருவரை வரவழைத்து அவர் மூலமாக தினமும் ஆதிரைக்கு பூனை போன்று மேக்கப் இட்டு வந்தால் பூனை இருப்பதை கண்டு எலிகள் ஓடிவிடும் என்பதை தெரிவித்தார். மேலும் இந்த முறையில் உள்ள நல்ல விடயம் இந்த முறையை பாவித்தால் ஆதிரைக்கு பூனை வாங்க தேவையில்லை என்பதால் பூனை தொல்லையும் இல்லை என்ற மேலதிக தகவலும் வழங்கினார்.

* இன்னொரு பிரபல பதிவர் புல்லட் தனக்கு நன்றாக குறி பார்த்து சுட தெரியுமென்றும் தான் ஆதிரையின் வீட்டிலுள்ள எலிகளை சுட்டு வீழ்த்துவதாகவும் தெரிவித்தார்.

* ஊஞ்சலில் ஆடும் பதிவர் சுபானு அவர்கள் ஆதிரைக்கு சீக்கிரமே ஒரு திருமணம் செய்து வைத்தால் பின்னர் ஆதிரையின் துணைவியார் இந்த எலிகளை கவனித்து கொள்வதாகவும், இந்த யோசனைக்கு ஆதிரை சம்மதிக்கும் பட்சத்தில் அவருக்கு தேவையான பெண்ணை தனது திருமண தளத்தில் தேர்ந்தெடுக்கலாமெனவும் கூறினார்.

* எலிகள் இனவிருத்தியை தடை பண்ணி விட்டால் அந்த எலிகளால் இனபெருக்க முடியாமல் எலிகள் தானா குறைந்து விடும் எனவும் ஆசிய எலிகளை இவ்வகையான சத்திரசிகிச்சை மூலமாக தான் ஏற்கவே பரிசோதித்து இருப்பதாகவும், அதனால் தான் முன் வந்து ஆதிரை வீட்டிலுள்ள எலிகளை இந்த சத்திரசிகிச்சை செய்வதாகவும் பம்மல் பதிவர் கனககோபி தெரிவித்தார்.

* மேலும் இறுதியாக ஆதிரயைின் பிரச்சினை வேறு எந்த பதிவருக்கும் வரகூடாது, வந்தால் இலங்கை பதிவர்கள் சார்பில் அதனை தீர்த்து வைக்க பதிவர் சந்ரு தலைமையில் ஒரு சங்கம் உருவாக்கப்பட்டது. அது சம்பந்தப்பட்ட தகவல்களை சந்ரு அவரது பதிவில் அறிவிப்பார் எனினும், எனக்கு அந்த சங்கத்தின் பொருளாளர் பதவி கிடைத்துள்ளது என்பதை பெருமையுடன் தெரிவித்து கொள்கிறேன்.

இன்னும் பல யோசனைகள் இருந்தாலும் இவற்றின் மூலமாகவே இலகுவாக ஆதிரையின் எலிப் பிரச்சினை தீர்த்து வைக்கலாம் என வந்தி தெரிவித்து கொண்டதன் காரணமாக எங்களது கூட்டத்தினை அத்துடன் கலைத்து விட்டோம்.

* பிற்குறிப்பு - வேறு யாருக்காவது எலிப்பிரச்சினை வந்து அதற்கு இந்த முறையில் தீர்வு காண எங்களது சங்கத்தின் அனுமதியை பெற வேண்டும் என தெரிவித்து கொள்கிறோம் அவ்வாறு இல்லாத பட்சத்தில் சொ.செ.சூ சட்டம் 452ன் கீழ் கடுமையான தண்டனை வழங்கப்டும் எனவும் தெரிவித்து கொள்கிறோம்..