ஆஸ்திரேலியா மண் கவ்வியது

அப்பாடா என் நீண்ட நாள் ஆசை நிறைவேறியது, ஒரு மாதிரி ஆஸ்திரேலியாவை அவங்க சொந்த மண்ணிலேயே தோற்கடித்தது தென்னாபிரிக்கா. அடுத்தடுத்து இரண்டு டெஸ்ட் தொடர் தோல்விகள், ஆஸ்திரேலியாவின் கிரிக்கெட் கவசம் கீழே இறங்கி கொண்டிருக்கின்றது போலே தான் தெரிகிறது. சென்ற ஆண்டே இது நடந்திருக்கும் ஆஸ்திரேலியாவின் தகிடு தத்தம் மூலம் இலங்கை, இந்தியா அணிகள் அந்த தொடரை வெல்ல முடியாத மாதிரி செய்து விட்டார்கள். கடந்த போட்டியில் தென்னாபிரிக்கா போட்டியில் ஓட்ட எண்ணிகையை துரத்தியது போல இலங்கையும் துரத்தியது சங்ககார 200 ஓட்டங்களை நெருங்கினார், ஆனால் வழமை போல் நடுவரின் உதவியோடு 192 ஓட்டங்களுக்கு அவரை வெளியேற்றினர், இலங்கை அணி 410 ஓட்டங்கள் மாத்திரம் எடுத்து 96 ஓட்டங்கள் தோல்வி அடைந்தது, அடுத்த முறை இதே போல் சிக்கியது இந்தியா அணி முடிந்த அளவு கள்ள விளையாட்டு விளையாடி Andrew Symonds ஆகி அவுட் பல முறை விளையாடியது, கீழே விழுந்த பந்தை கேட்ச் எடுத்ததாக கூறியது, என ரொம்ப கீழ்த்தரமான விளையாட்டை விளையாடி போட்டியை வென்றது ஆஸ்திரேலியா அணி.

ஷேன் வார்னே மற்றும் மக்ராத் இல்லாத ஆஸ்திரேலியா அணியின் பந்து வீச்சு சும்மா நம்ம கிளப் போட்டிகள் அளவுக்கு தான் என இன்று தென்னாபிரிக்கா நிருபித்து உள்ளது, அதிலும் புதிதாக வந்த டும்னி சும்மா கலக்குறாரு ஐயா. அவரை மிட்சில் ஜோன்சன் எவ்வளவோ முறை வம்புக்கு இழுத்தும் மனுஷன் அசைந்து கொடுக்கவே இல்லை. ஆஸ்திரேலியா அணியில் பல மாற்றம் சீக்கிரம் நடக்கும் என எதிர் பார்க்கலாம், அவற்றில் சில 

01 ஹய்டேன் ஒய்வு அல்லது கட்டாய ஓய்வு  

02 Hussay அணியில் இருந்து தூக்கப்படல்  

03 புதிய பந்து வீச்சாளர்கள் அணிக்குள் வருதல்  

04 Brett Lee ஓரம் கட்டபடுதல்
* பின் குறிப்பு கட்டயமாக stayn அல்லது ntini அல்லது வேறு யாராவது ஒரு பந்து வீச்சாளர் பந்தை வீசி எறிவதாக குற்றச்சாட்டு, அல்லது இன வெறியை காட்டி ஆஸ்திரேலியரை திட்டினர் என தென்னாபிரிக்கா வீரர் ஒருவருக்கு குற்றச்சாட்டு, அல்லது பந்தை சேத படுத்தியதாக தென்னாபிரிக்கா அணி மீது புகார் என மேற்கூறியவற்றில் எதாவது அல்லது வேறு விதமாக எதையாவது எதிர் பார்க்கலாம். பார்ப்போம் என்ன விதத்தில் ஆஸ்திரேலியா பழி வாங்கும் என...........



சுஜாதா அவார்ட்ஸ் 2008 (மாதிரி)

ஒவ்வொரு வருடமும் நவீன எழுத்துலக வேந்தன் சுஜாதா அவரது விருதுகளை அறிவிப்பது வழக்கம், இந்த வருடம் அந்த மகத்தான எழுத்தாளர் எம்மிடையே இல்லை, ஆகவே நான் அந்த இந்த வருடம் அவருக்காக அந்த கடும் பணியை தொடர்ந்து, எதோ என்னால் முடிந்தவரையில் விருதுகளை வழங்குகிறேன்

என்னால் முடிந்தவரையில் சினிமா, இசை, கிரிக்கெட், சர்வதேச விடயங்களுக்கு எனக்கு தெரிந்த அளவுக்கு இந்த விருதுகளை வெளியிடுகிறேன்

2008 சினிமா விருதுகள்
சிறந்த நடிகர் - சூரியா (வாரணம் ஆயிரம்)
சூர்யா மற்றும் கமலஹாசன் இருவருக்குன் இடைளன கடுமையான போட்டியில் இறுதியில் வெல்வது சூரியா வாரணம் ஆயிரம் படத்துக்காக

சொதப்பல் - ஒருவர் இருவர் இல்லை முக்கியமாக எதிர் பார்க்கப்பட்ட சாந்தனு சக்கரகட்டி படத்தில் முன்னியில் இருக்கிறார்

சிறந்த நடிகை - நயன்தாரா ( யாரடி நீ மோகினி படத்துக்காக ; பில்லாவுக்கு இல்லை )

சொதப்பல் நடிப்பு - த்ரிஷா குருவி படத்தில் பிச்சு உதறியதுக்கு

சிறந்த காமெடியன் - வடிவேலு (பல படங்கள்)

சிறந்த அறுவை காமெடியன் - சந்தானம் பல படங்களில் எங்கள் காதை கிழித்த காரணத்தால்

சிறந்த வில்லன் -ஜெயராம் (சரோஜா )

சொதப்பல் - பல பேர் என்னை திட்டினாலும் "ரஜினிகாந்த்" ("குசேலன்" படம் வாசு என்ற மசாலா இயக்குனர் மற்றும் ரஜினி என்ற மாஸ் நடிகர் இல்லாமல் இருந்தால் சிறந்த ஒரு படமாக வந்திருக்கும்)

சிறந்த டைரக்டர் - கெளதம் வாசுதேவ மேனன் (வாரணம் ஆயிரம்) இவரது திறமைக்கு ஒரு சிறிய சான்று படத்தில் கார்திக் பாடிய "அவ என்ன " என்னும் ஆடக்கூடிய பாடலை காட்சியமைப்பின் மூலம் எல்லாரையும் ஒரு சோக கட்டத்துக்கு கொண்டு சென்றது

சிறந்த சொதப்பல் - கலா பிரபு ( ரஹ்மான் போட்டு கொடுத்த சிறந்த பாடல்களை மற்றும் அற்புதமான இசை, சிறந்த விளம்பரம் எல்லாத்தையும் சொதப்பியதுக்கு)

சிறந்த படம் - தசாவதாரம் (எல்லாரும் பட்ட கஷ்டத்துக்கு சிறந்த பலன்)

சிறந்த சொதப்பல் -குசேலன், ஏகன் மற்றும் குருவி (ஓவர் பில்டப் இந்த படங்கள் ஓடாததுக்கு காரணம் )

சிறந்த அலட்டல் - சக்கரகட்டி

இசை விருதுகள்
சிறந்த இசை அமைப்பாளர்- A.R. ரஹ்மான் (சக்கரகட்டி படத்தில் மெலடி, பாஸ்ட் என எல்லா விதமான பாடல்களையும் போட்டு அசத்தியதுக்கு, இங்கே ஹரிஸ் ஜெயராஜ் கடும் போட்டியை கொடுத்தாலும் தமிழ் இசையை உலகுக்கு கொண்டு சென்றது ரஹ்மான் தான் மற்றும் ஹரிஸ் ஜெயராஜின் பாடல்கள் எங்கேயோ கேட்ட ஞாபகத்தை தருவதும் சிறந்த இசை அமைப்பாளர் விருதை கொடுப்பதை தடுக்கிறது

சிறந்த சொதப்பல் - யுவன் (ஏகன் படத்துக்காக, பில்லா என்னும் சூப்பர் ஹிட் மியூசிக் தந்த கூட்டணி எதிர்பார்பை பூர்த்தி செய்யாத காரணத்தினால் )

சிறந்த பாடகர் - ஹரிஸ் ராகவேந்தரா (தாம் தூம்), ஹரிஹரன் (வாரணம் ஆயிரம்)

சிறந்த சொதப்பல் - கமலஹாசன் (முகுந்தா முகுந்தா என்ற சிறந்த பாடலை கடைசியில் தின்றதுக்காக)

சிறந்த பாடகி - சின்மயி ( பல பாடல்கள்)

சிறந்த சொதப்பல் - பாடகிகள் யாரும் அநேகமாக சொதப்பவில்லை

சிறந்த மெலடி - "கண்கள் இரண்டால்" மற்றும் "முன்தினம் பார்த்தேன் "

சிறந்த குத்து - "நாக்க மூக்க" (எல்லாரையும் ஆட்டு விததுக்காக )

சிறந்த புது வரவு - ஜேம்ஸ் வசந்தன் (சுப்ரமணியபுரம் படத்துக்கு அற்புத இசை வழங்கியது மற்றும் "கண்கள் இரண்டால்" என்ற சிறந்த பாடலை வழங்கியது

வருடத்தின் சிறந்த பாடல் : "Texi Text" (சக்கரகட்டி) , " முன்தினம் பார்த்தேன்" (வாரணம் ஆயிரம்)

என்னுடைய அடுத்த பதிவிலே கிரிக்கெட் மற்றும் சர்வதேச விருதுகளை அறிவிக்கிறேன், இப்போதைக்கு எனக்கு நேரம் இல்லை... கூடிய விரைவில் விருது அறிவிப்புகள் தொடரும்


இனி புகைக்க மாட்டோம்

இது முற்றிலும் புகைப்பவர்களுக்காக ஒதுக்கப்பட்டது...

எனக்கு வந்த ஒரு மின் அஞ்சலில் இருந்த புகை பிடிப்புக்கு எதிரான சில புகை படங்களை உங்கள் பார்வைக்கு தருகிறேன்